De Arte Inveniendi Combinatoria et origine inventionum ac principiis arcanis plerarumque scientiarum, ubi multa nova reperta, jucunda pariter et humanae vitae profutura in specimen artis exhibentur

 [Mai bis Juni 1679 (?)] De Arte Inveniendi Combinatoria ~~et origine inventionum ac principiis arcanis plerarumque scientiarum, ubi multa nova reperta, jucunda pariter et humanae vitae profutura in specimen artis exhibentur*

Aliud est ars Combinatoria aliud Scientia combinationum, quae tamen utiliter praemittetur, ut primum appareat natura combinationum in universum, postea modus doceatur utiles combinationes ab inutilibus promte distinguendi.

Logica de compatibili et incompatibili sive de connexo et inconnexo.

Scientia combinationum; de eodem et diverso.

Analogica; de simili et dissimili.

Logistica; de aequali et inaequali, sive de Calculo.

Hae scientiae se mutuo adjuvant.

Combinatoria agit quodammodo de Entium configuratione, seu coordinatione, nullo respectu habito loci, est quasi Geometria Metaphysica.