Beatitudo: Summum Bonum, Finis ultimus, quomodo differant

 [1677 bis 1716 (?)] Beatitudo : Summum Bonum, Finis ultimus, quomodo differant

Summum Bonum est id quo obtento beati sumus, id est Virtus seu firma voluntas ratione utendi. Beatitudo est satisfactio animi solida et duratura, quae non nisi a virtute oritur. Finis ultimus seu meta votorum est summa perfectio cujus homo est capax seu perfectionum humanarum complexio. Itaque Stoici virtutem seu summum bonum, Epicurei beatitudinem seu tranquillitatem animi, Peripatetici collecta aut rei corporis et fortunae bona, seu metam votorum, proposuere.