De recta multitudine in methodo

 [1677 bis 1716 (?)]

Placcius in Commentario de augenda morali scientia ad Verulamis librum septimum de Augmentis scientiarum aliquoties ait plus disci posse quod ad medicinam animi pertineat ex Ovidii poemate de remedi[is] amoris, quam ex tota Ethica Aristotelis, vide pag. 72.

Nimia multitudo propositiuncularum saepe obviarum aut inutilium, obruit animum, et a rebus primariis divertit. Hunc ego defectum observo in methodo P. Honorati Fabry. Idem lib. 1. de Motu theor. 3[3]. coroll. 2. simulat se demonstrare cur tardius moveatur corpus majus quam minus, ab eadem potentia, sed non demonstrat.