Idololatrica apud Christianos revicta

 [1680 bis 1684 (?)]

Pleraque idololatrica apud Christianos revixere: Sacrificia, thus et odores, luminaria, imagines, lustrationes, festa, cantus, sa[c]rae peregrinationes, jejunia, coelibatus, vestimenta, divinationes, magia, omina, praesagia, incantationes, cultus mortuorum, canonisationes vel apotheoses novorum inter Deum et homines mediatorum, boni malique daemones, genii tutelares, aliaeque potestates utriusque sexus quibus templa dedicata, Dies festi celebrati, peculiares destinati cultus, sua cuique assignata provincia, in quibus morborum cura, et rerum dispensatio quibus homines juvantur aut laeduntur. Ita Antichristianismus pro Christo obtinuit, cujus instituta clara intellectu et facillima servatu in dogmata absurda, sermones non intelligendos, mysteria inexplicabilia, praxes ridiculas, degenerarunt.