Zweiter Ansatz

ZWEITER ANSATZ

Quantitas effectus formalis in motu est cujus mensura est materiam ~~certae quantitatis motu aequidistributo motam esse per certam longitudinem*.

Ut quantitatem materiae contentam in AB translatam esse ex ₁A₁B in ₂A₂B, per longitudinem quae est lineae ₁A₂A a quocunque corporis puncto ut A, descriptae; quae scilicet est longitudo~~ ~~*motus aequidistributi (defin. 1. cap. de velocitate motus aequidistributi), ubi nempe linea a quocunque mobilis puncto descripta est aequalis (defin. 1. dicti cap.).

Itaque si haec mensura in motu repetatur, etiam toties repetetur seu multiplicabitur quantitas Effectus. Hunc autem Effectum voco formalem, quia motui est essentialis,~~ ~~secus ac sunt effectus alii qui a peculiari qualitate moti, aut obstaculo occurente ac superato nasci forte possunt. Axioma

~~Duo Quantitatem habentia sunt inter se, ut numeri aequalium partium in quas resolvi possunt*. Quicquid autem de genere aliquo quanti ~~tatum verum est universaliter, id de alia verum est quantitate, quae a priori minus differt errore quovis dato*.

Exempli causa Hexapoda resolvi potest in pedes sex, decempeda in pedes decem, vel (posita ulna duarum pedum) resolvi potest Hexapoda in ulnas tres, decempeda in ulnas quinque. Itaque Hexapoda est ad decempedam ut 6 ad 10 seu ut 3 ad 5. Et vero in universum nihil aliud est quantitas quam numerus partium posito mensuram quandam~~ ~~semper sibi congruentem assumi pro unitate. Et hinc usus Scalarum in partes aequales divisarum nascitur.