De animalis anima

 [1683 bis 1685 (?)]

Vereor ne sententia Cartesianorum refutetur aliquando per experientiam si homines curam sumerent majorem in instituendis animalibus. Recte asserit Cartesius scribens Moro, se scire demonstrative quod omnes bestiarum actus sine anima explicari possint, ita ut contrarium non possit demonstrari, sed hoc intelligendum de rigore metaphysico, quo nec de aliis hominibus id demonstrari potest.