Actu infinitae sunt creaturae

 [Sommer 1678 bis Winter 1680/81 (?)]

Actu infinitae sunt creaturae.

Nam quodlibet corpus actu subdivisum est in plures partes  quia quodlibet corpus ab aliis corporibus patitur.

Et quaelibet pars corporis est corpus  ex ipsa corporis definitione.

Itaque actu infinita sunt corpora  seu plura reperiuntur corpora, quam sunt unitates in numero quocunque dato.

Consequentia patet; quia si quaelibet divisio poneretur facta in duas tantum partes, neglectis reliquis; et ex his duabus partibus altera tantum subdivisa poneretur, subdivisione alterius tot minimum prodirent partes, quot fiunt divisiones, ut A = L + B, B = M + C, C = N + D, patet ex tribus divisionibus prodire minimum tria diversa, L, M, N.