Definitiones: Aliquid, nihil, possibile, positivum

 [August 1688 bis Januar 1689 (?)]

Aliquid est quicquid cogitari potest, ut A, vel B vel C, vel alius terminus quicunque. Generalissima haec notio est, complectiturque etiam impossibilia ea quae confuse tantum cogitari possunt, distincte autem explicari nequeunt. Ut triangulum quadrilaterum, corpus indivisibile.

Nihil est a quo removetur quicquid cogitari potest, ut non A, neque B, neque C neque D, neque etc.

Atque hoc est quod vulgo ajunt Nihili nulla esse attributa.

Possibile est quicquid distincte cogitari potest, seu cujus notio non involvit contradictionem. Hoc est si sit A ^&.SE ^#6+B, C, etc.^#6- et sit B ^&.SE ^#6+D, E, etc.^#6- et C ^&.SE ^#6+F, G, etc.^#6- et ita porro, nec unquam prodeat L non L, erit A Ens vel possibile.

Positivum est quod sine negatione distincte cogitari potest. Hoc est si sit A ^&.SE ^#6+B, C, etc.^#6- et ita porro, ut paulo ante, nec unquam prodeat terminus negativus ut non L, nisi is sit negativus negativi, erit A positivum.