Artificium didacticum

 [1678 (?)] Artificium didacticum

Semper cognita incognitis miscenda et temperanda sunt, ut labor et molestia minuantur. Ita optime discimus linguas per parallelismum cum linguis nobis notis. Ita scriptum non satis cognitae lecturi, discendae linguae causa, sumamus librum familiarem nobis, cujus sensa pene memoriter tenemus; ut Novum Testamentum. Hinc etiam si cui Musicam docere possem, aut vellem, monstrarem cantiunculas sibi notas, posset in charta exprimere, si vereretur oblivisci.