De methodorum syntheticae atque analyticae utilitate

 [Sommer bis Herbst 1679 (?)]

Methodus Synthetica est illis propria, qui scientias condere volunt; aliis autem inservire potest Tabulis atque inventariis denique conditis.

Methodus Analytica est ad usum eorum, qui problema aliquod solvere volunt, etsi scientia illa ad quam problema pertinet, nondum perfecta, imo forte nec scripta habeatur, itaque illis etiam prodesse potest qui scientias non didicere, aut illis studiose admodum vacare non possunt.