Auszüge aus Sinclair und Mechovius. Aufzeichnung zur Medizin

Sinclarus in arte magna gravitatis lib. de Chronoscopio tractat de revolutionibus penduli horizontalibus quarum nemo ante ipsum meminerit; observat p. 502.93., si idem sit pondus diversa longitudo funiculorum brevioris plures sunt revolutiones eodem tempore, sed longioris diutius durant. Si eadem longitudo diversum pondus pendulum gravis et plures habet et diutius durantes perseverationes. Si aequale pondus diversa longitudo ut 1 ad 2 erunt vibrationes ut 4 ad 3 cum funiculi ut 3 ad 2 vibrationes ut 5 ad 6 cum funiculi ut 8 ad 6 vibrationes ut 7 ad 8 cum funiculi ut 9 ad 7 vibrationes ut 9 ad 10. Rationem non reddit. Explicat differentias inter vibrationes perpendiculi et tensorum, ut chordarum ratione longitudinis chordarum. Ratio cur diapason sit gratissima Sinclarus p. 504 ex recursuum unione. Idem et caeterarum consonantiarum rationem explicat. Melius forte, quam Chambrerus in de Luce. Sinclarus p. 509. Tenui funiculo 37 digitis longe cum semisse annectatur globulus ferreus viginti octo unciarum, ejus quaevis simplex vibratio secundum horarium dabit. Sed ut sint accurate non ultra 30 vel 36 digitos globulus excurrat. Sinclarus p. 602. Notavi cum Batavi Tilandiburgenses oppugnarent 36 minutis secundis serius fumi speciem, quam sonum ad me, qui 70o0 passuum distabam pervenisse. Et cum nube dirupta fragor saepe fulgure vix sex septemve minutis sit posterior, credibile est vix mille passibus has nubes graviores a nobis distare. p. 606 ajunt Ill^mum Comitem a Kincardin excogitasse modum ita suspendendi pendula ut nulla motui eius ex agitatione navis sit remora. Habet Sinclarus non contemnenda de Horologio¹ cuilibet planetae sigillatim assignando pro observationibus. Plato in Polit. Charitatem vocat epimeleian de ge anthropines sympases koinonias affectionem curamve totius generis humani, apud Mechov. cap. de Caritate p. 369. lib. 4. phil. par. c. 6. Compilanda Testimonia de Medicinae dignitate, Medicorum vitiis, rei Medicae emendatione. Cardanus memorat ses fourberies dans sa vie. Porta quoque narrat se noctu turbatum a parientis foeminae illustris ministro aequam rosarum ei dedisse et pulverem immundum ex pavimento abrasum addidisse. Foeminam ea nocte masculum enixam. Mane gratias agentium et divinum Medicamen extollentium turba plenas aedes fuisse. Vide Baronium in opusc. ubi de Imaginatione.