LEIBNIZ AN MICHAEL GOTTLIEB HANSCH

Vir nobiliss^e Fautor et Amice Honoratissime

Novissimas meas, ea qua jusseras ratione, nempe per Dn. Clausnizer postae vestrae secretarium curavi, nunc peto ut significes an receperis, quo sim extra curam[,] audeo etiam rogare, ut literas adjunctas ad Dn. Weckium postae committas. Utor autem eodem ad Dn. Clausnizerum operculo, idque facere pergam, nisi vetas.

Si qua interdum de re literaria significabis, rem mihi pergratam facies. Procedit collectio mea novi Tomi Scriptorum Historiae Brunsvicensi inservientium et spero proxima hyeme praelo committetur. Exemplum Tomi qui jam prodiit, proximis nundinis Michaeliticis meo nomine a Dn. Forstero Bibliopola nostro accipies.

Interea vale et me ama. Dabam Hanoverae 18 Augusti 1707

deditissimus G. G. Leibnitius

A Monsieur Monsieur Hantsch Maistre ès arts et Collegiat à Leipzig