LatinIllustris atque Excellentissime VIR, Patrone observanter colende!
Executus Am Kopf des Briefes von Leibniz' Hand: Semiresp sum mandata Tua, et Fritschio nostro rem totam sub fide silentii exposui. Sed
responsum tuli se nullam apud Batavos officinam habere, at fratrem suum Amstelodami vivere,
et hoc ipso tempore Lipsiae agere. Quare confestim occasionem cum ipso colloquendi quaesivi,
quam nuper etiam consecutus sum. Postquam vero consilium perceperat, promtitudinem mihi
suam Excellentiae Tuae voluntatibus inserviendi multis indiciis luculentissimis comprobavit.
Verum id dolebat unice, quid licet Amstelodami sedes suas fixerit, nullos tamen unquam in
Batavis Libros imprimendos curaverit, paratum tamen esse reliquorum Cl. Baylii scriptorum
editori, ut primum de voluntate Excellentiae Tuae factus esset certior (rogabat autem ut id fieret
quam citissime), illud per literas significandi, non dubitans fore hunc virum ad Operis editionem
quam promtissimum. Quare non potui quin officio meo satisfacturus Excellentiae Tuae
tribus verbis id indicarem; Scriptum meum quod attinet, nisi grave est, vellem Excellentiam
Tuam per Postam mittere sub operculo:
A Monsieur Mons. Clausnitzer
Secretaire de la Poste,
tum quod tutius est, tum quod id fieri sine sumtibus Excellentiae T. et meis potest; amicus enim
iste lubentissime mihi in hisce gratificabitur. Vehementer autem desidero monita Excellentiae T.,
quibus me vel in sententia confirmatum vel meliora edoctum iri spero, et longe
amplissimam certa Philosophiae Platonicae, cujus indagini alias deditissimus sum[,] fundamenta
eruendi occasionem adepturum esse certo confido.
Scribebam de subito MDCCVII. d. 9. Julii Lipsiae.
Excellentiae Tuae Submississimus Mich. Gottl. Hanschius
A Son Excellence Monseigneur de Leibnitz Conseiller privé de Son Altesse Electorale de
Brounsvic et Lunebourg à Hannover