Series II Band 4 · No. 180.
LEIBNIZ AN MICHAEL GOTTLIEB HANSCH
Berlin, 19. Februar 1707. [178.181.]
Vir nobilissime et Clme Fautor et Amice honoratissime
Nuper a Te Beneficium pro republica literaria petii, ut me juves in eruendo Eduardi Bernardi Manuscripto, nunc rogo ut rei meae causa vel Exclmum de Schulenburg regiarum copiarum ducem, vel secretarium ejus adeas, et has literas tradi cures, simulque in Schulenburgii reditum inquiras, et mihi quae intellexisti pro benevolentia Tua significes.
Cavendum mihi erit, ne promtitudine Tua abutar, spero tamen hanc audaciam meam in bonam adhuc partem acceptum iri. Vale.
Dabam Berolini 19. Febr. 1707.
Tuus omni studio multiplicique nexu G. G. Leibnitius