VINCENT PLACCIUS AN LEIBNIZ

I. N. J. C.

S. P. Vir Nobilissime et Amplissime Patrone honoratissime

Serius respondeo binis honoratissimis tuis, cupiens plenius id facere. Quid tamen resciscere Lubeca potuerim adjunctae docent. Ketwigianae notae per erant mihi gratae, quemadmodum et de Burchardianis ago gratias longe maximas. Dⁿⁱ [Hinüberi] cooperatio in Pseudonymis lente satis procedit. Nec ipse in historia litteraria vel cognitione librorum eo pertinentium quidquam antea studii collocavit. Unde nova et insueta illi omnia, secus ac ei qui ante ipsum in hoc labore mihi se commodabat. Modo tamen continuaverit; tandem, etsi serius, eo quo volumus perveniemus. Faxit id si sic visum fuerit Deus! cui Te, et tua omnia vicissim commendo mecum una. Vale. Hamb. 1696. d. 15. Julii.

Tui amantissimus V. Placcius

A Monsieur Monsieur Leibnitius Conseiller de Son Altesse Electorale. par couvert, à Hanover.