Series II Band 3 · No. 235.
LEIBNIZ AN ERNST SALOMON CYPRIAN
Wolfenbüttel, 4. Mai 1700. [234.]
Vir celeberrime, Fautor Honoratissime
Binis Tuis responsum debeo. Interea et adversae valetudinis Tuae nuntium accepi, hanc jam superatam spero et voveo. Illis ut satisfaciam utcunque nunc quidem, credo jam non posse nobis deesse magnetem quo Helmestadii retineare: et video in aulis omnibus Tibi faveri, neque de eruditione Tua caeterisque ad docendum dotibus dubitari posse a quoquam. Nobilissimo domino Struvio respondebo quam primum; et quaesitam per Te notitiam viri egregii mihi conservabo. Interea cura quantum potes, ut valeas. Cui rei necessaria est in studiis moderatis. Dabam Guelferbyti 4 Maji 1700.
Deditissimus G. G. Leibnitius