LatinI. N. J. C.
Nobilissimo et Amplissimo Dⁿo G. G. Leibnutzio
S. P. D. V. Placcius.
Dum Am Fuß der Seite von Leibniz' Hand: Le Sieur des Essars auteur de l'Amadis françois. Memoire des dames de Brantome. «Ch.» de la reine Marguerite. sub anni hujus ineuntis auspicium, quod auspicatissimum plane tibi ex animo precor
augurorque, rationes meas, qua domesticas, qua litterarias subduco, video me in aere tuo inde a
Septembri mense adhuc esse. Ne malum plane nomen sim itaque, tandem reddo quod debeo
responsum, veniam morae a sola tua benevolentia petens. Neque tamen interim in mandatis tuis
exequendis aeque ac in rescribendi officio segnis fui. Quamvis enim Meisneri compellandi
occasionem hucusque frustra quaesitam necdum invenerim: cum Dⁿo Zimmermanno tamen
illius Collegii membro facile praecipuo et de pertinentibus ad ipsum aliis, et de iis quae super
Collegio Arithmetico scribis, ita communicavi, ut non frustra id factum putem. Siquidem laetari
mihi visus est, occasione commercium litterarium, et hisce et aliis de rebus Tecum ineundi.
Quod an coeptum sit, scire aveam. Ni factum etiam, promoturus, ut quamprimum ineatur. Id
quod sine reipublicae litterariae insigni emolumento non fore spero augurorque. Tschirnhausiana
legi, et haberem circa illa quae percontarer, siquidem otii hoc tui esse intelligam, ut
cognoscas, et sententiam aperias tuam de quaesitis, Logicis quidem potissimum. Nam Physica
et Mathematica superant meas vires. Ad Philosophiam practicam vero facientia ex meis facile
principiis expedio. Quae uti experior indies magis sufficere magisque resolvendis omnibus in
hoc argumento difficultatibus, ita ut perpoliantur, et ad specialissima quaeque, descensu facto,
magis porrigantur, assidue laboro. Nec aliud est impedimentum aeque obstans Anonymorum et
Pseudonymorum editioni. De quibus apud Bailletum quid fiat, an scias, vel scire possis, oppido
percupiam resciscere. Nam anno jam et quod excurrit ab eo litterarum nihil habui, neque novi
per internuntios. Et bellorum hae necdum finem ostendentes turbae, parum in propinquo
repositum spei sinunt. Nisi tuo itaque auxilio quid comperiam, desperatum hoc est desiderium.
Quod tamen antequam expleatur, ad publicandos meos auctores non accedam. Enimvero
praeire ipsum mallem me, quam sequi. Caussae multae sunt: quarum praecipuam facile divinas.
Vale, et an hac de re certiorem me facere queas, quaeso vide.
Hamb 1691. d. 3 Januarii.
A Monsieur Monsieur Leibnutz. Conseiller de Son Altesse à Hannover.