LEIBNIZ AN ANTONIO BALDIGIANI (?)

Ad R. P. B.

Rogo Reverentiam vestram ut mihi sententiam suam circa doctrinam in charta adjecta expositam, schedula consignet, utrum nimirum qui ita statuit, in censuras contra absolutam Copernicani Systematis defensionem latas non incurrat. Quod vel ideo expeto, quia fieri potest, ut mihi quamprimum circa haec publicandi aliquid occasio nascatur. Atque ita R^a V^a fortasse non me tantum, sed et rem publicam literariam obstringet. Interea me commendo R^ae V^ae

servus humillimus G. L.