FRIEDRICH SIMON LÖFFLER AN LEIBNIZ

[ ... ] Halae Saxonum nuper disputationem habuit Thomasius et in ea petiit suos adversarios, ut intra unius anni spatium sibi explicarent, quid sit substantia? Unde M. Hilscherus in disputatione de inani eruditorum studio haec habet: sed non satis esset deliratum, nisi etiam *post tot simpularias turbas, quaereretur, an scire possit animal philosophicum, quid sit substantia. Altum hactenus de tam nobili controversia silentium fuit in schola Artistarum, nec dubium est, quin propediem, postquam haec res in controversiam venit, solide resolvatur a politioris philosophiae consecraneo, quem uti rem suam bene agere jubemus, ita rogatum cupimus per sanctissimam philosophandi libertatem, ut et illam quaestionem si non reflexive, saltem catapodaliter velit resolvere nobis: num quatuor equi Phäetontis possint trahere per cacumen montis magnum currum phantasticum per campum categoricum, per campum hypotheticum per infinitum et vacuum usque ad duodecimum physicorum: animus enim est disceptationibus tam elegantibus, quas fore arbitramur, bibliothecam augere Pantagruelis.* [ ... ]