VINCENT PLACCIUS AN LEIBNIZ

I. N. J. C. S. P. Vir Nobilissime et Amplissime

Misi nuper ad Dn. Consiliarium Cellensem Schraderum exemplar Accessionum Rhetoricarum in excerptis dati publici speciminis, ut et disputationis me praeside habitae. Spero utraque curata Tibi cui destinabantur. Nunc foliolum exhibeo ad Epistolam curiosam de qua in ultimis tuis abhinc fere triennio aliqua perscribebas, pertinens, non quod eo non sis recte cariturus, sed ut videas me Tui memorem. Si quid habes novi ex rebus litterariis quaeso id perscribe et Vale. Faveas

Amplissimo Tui Nominis cultori observantiss^mo V. Placcio.

Hamb. 1686. d. 30 Octobr.

A Monsieur Monsieur Leibnütz Conseiller de son Altesse à Hanover.