PIERRE DE CARCAVY AN LEIBNIZ

Viro Amplissimo

G. Gulielmo Leibnitio J.U.Doctori. Petrus de Carcavy. S.P.D.

Illustriss^o Abbati Gravellio magnas debeo gratias quod te mihi notum fecerit, et majores in posterum debebo si amicitiae tuae meis obsequiis demerendae ansam mihi praebuerit, ut et si declarandae ejus quam de egregio tuo merito concepi opinionis locum mihi fecerit.

Epistolam Von Epistolam bis feceris am Rande angestrichen quam ad me scripsisti cum Academicis nostris communicavi, eam ut par erat laudarunt, et gratiss^um ipsis mihique feceris, si quaestiones aliquot Physicas discussas et iuxta principia tua examinatas ad nos miseris. Quod si in Germania reperiretur nonnemo qui Mathematicis operam daret, et ad ea potiss^um quae ad Theoriam spectant animum appelleret, magna certe voluptate nos affeceris si eum nobis indicaveris, ad nos quod attinet eum postquam nobis innotuerit majore quo poterimus favore prosequemur.

Litteras quas ad Cl. Capellanum te scripsisse narras non vidi, quid causae sit nescio, sed solitas ejus infirmitates accuso, quae eum quominus ad nos accedat saepe impediunt. Vide in quo tibi mea officia praestare possim, et mecum obsecro libere age, nostrum vero literarum commercium continues rogo et tibi me addictissimum putes velim. Lutetiae Paris. Nonis Quinctil. 1671.

A Monsieur Monsieur Leibnitz Docteur en droit et con^er de S.A. de Mayence.