HEINRICH OLDENBURG AN LEIBNIZ

Nobiliss^o et Ampliss^o Viro

Dⁿ^o Gothofredo Guilielmo Leibnitzio, J.U.D.

et Consiliario Moguntino digniss^o

Henr. Oldenburg S.

Paucis abhinc diebus per Tabellionem ordinarium de plurimis rebus Philosophicis, nec non de Hypothesi tua Physica ad Te scripsi, inprimis vero ursi, ut partem ejus secundam de Abstractis Motus regulis quantocius, ad majorem totius rei lucem, huc transmittas. Spero, litteras illas rite Tibi fuisse traditas. Jam quod scribam aliud non suppetit, nisi ut significem, me per Bibliopolam nostratem, Martinum, et per Schultzium Hamburgensem, ad Zunnerum Francofurtensem libros a Te desideratos, quos quidem eorum concessu potui, transmisisse, nempe lib. sterling. shill.^&.!! Phil. Transact. annorum 68, 69, 70 1 0 0. Lexicon Bluntii 0 4 6. Boylius de Rarefactione Aëris 0 0 6. Boilii Tractatus aliquot de qual. Cosmicis etc. 0 1 8. Glanvils Plus Ultra 0 1 6. Mercur. librarius 0 1 6. Sum ^#6+ 1 [9] 8.^#6-

Persuasissimum habeo, Te Curaturum, ut Zunnerus Schultzio de precio satisfaciat, ut Schultzius deinde possit satisfacere Martino; absque quo si fuerit, difficilis erit imposterum Martinus noster in consimili occasione. Vale, et a Tui observantissimo plurimum Salve. Dabam Londini d. 24. April. 1671.

Deinceps Schultzius Amplitudⁱ Tuae suppeditabit omnes hujusmodi libros, in Anglia impressos: Noster enim Martinus cum eo rem habet.

Nobiliss^o et Consultiss^o Viro Dⁿ^o Gothofredo Guilielmo Leibnitz J.U.D. et Consiliario Moguntiaco. Maintz.