Series II Band 1 · No. 242.
VEIT LUDWIG VON SECKENDORFF AN LEIBNIZ
Meußelwitz, 30. August (9. September) 1683. [240.243.]
[ ... ] Approbare me saltem scias omnia illa Tua, et imprimis, quae de Pascalio et Huetio
scribis, gratiasque habeo, quod multa me docuisti. Incidi nuper, occasione actorum Lipsiensium,
in Librum Sorbonici Doctoris, D'Irois, cui titulus est: Preuvez et prejugez pour la
religion Chrestienne et Catholique reperiique multa, quae satis faciunt, aliqua etiam, ubi minus
accuratus est, et sectae suae servit. Nescio an non magis probem tractatum: Mens immortalis,
Joh. Eberh. Suelingii Bremensis, Viri, ut puto, non perfunctorie eruditi. Metaphysicas demonstrationes
dubito ut satis capiam: Hospes enim non inquilinus fui, in illa Musarum regione.
Itaque hucusque ea me tenuit opinio, plus effici (excepta divini spiritus operatione) argumentis
moralibus et exotericis: Metaphysicis autem, nisi a Scholasticis eruta essent, et hodie a novis
Philosophis resuscitarentur, careri, sine dispendio rei Christianae, potuisse. Sed ego multum
defero judicio Tuo, nec nego, adversus Pyrrhonicos subtiliores magnum eorum usum esse, si
non ad convincendum de vero, at saltem ad infirmandos, quos vocant, et retundendos scrupulos.
[ ... ]
Meußelwitz d. 30. Augusti. 1683.
Dem HochEdlen, Vesten, Hochgelahrten, Herrn Gottfried Wilhelm Leibnitzen, J.U.D., Fürst. Braunschweig. Lüneburg. Hoffrath etc. Meinem Hochgeehrten Herrn. Hannover.
Herrn Joachim Gehringen in Leipzig recommendiret.