ARNOLD ECKHARD AN GERHARD WOLTER MOLANUS FÜR LEIBNIZ

P. S.

Quae a Dⁿ^o Leibnitzio ad me misisti, mirifice mihi placent: illisque responsum aliquod paro propediem ad vos mittendum. Objectiones, quas fecit, ad rem valde faciunt, ad quas tamen satis commode respondere, difficultatesque omnes amoliri me posse non diffido. Certat in hoc Viro cum eruditione humanitas, alteraque alteri non cedit. Ego licet eruditione ab ipso me vinci non diffitear, id tamen operam dabo, ne humanitate etiam vincar. Theorema Mathematicum nuper mihi transmissum descripsi, illudque jam remitto, gratiasque ago Viro Nobilissimo, quod scientiam meam ingeniosissimo hoc invento augere non dedignatus fuit. Quod autem judicium meum ea super re insuper requirit, humanitatem ejus agnosco. Demonstratio satis liquida est, et ex suppositis Wahrscheinlich von Leibniz unterstrichen. apte et concinne deducta. De horum veritate dubitari non potest: cum posterius a magnis Mathematicis demonstratum sit: prius autem ex ipsius figurae inspectione pateat. Est enim linea CD a rotatione arcus quadrantis ADC descripta, adeoque ipsi aequalis. De cetero gratulor Amplissimo Viro de tam nobili invento, quod vel solum summis quibusque Mathematicis illum aequiparandum docet.