GEORG HERMANN SCHULLER AN LEIBNIZ

Amstelodami 29 Mart. 1677.

[ ... ] Gaudeo sane quod de coëmenda Ethica nihil adhuc Principi Tuo dixeris, nam plane animo mutatus sum, ut (licet possessor pretium adauxerit) de illo commercio instituendo jam tibi author esse nolim, ratio est, quod amicorum animos plane dissentientes ita ad consensum disposuerim, ut non solum hanc Ethicam, verum etiam omnia MS^ta Fragmenta (quorum potior pars, nimir. 1. de Emendatione Intellectus, 2. de Nitro, 3. de Politia, 4. Epistolae variae, in autographo ad manus meas devoluta est) in commune bonum typis publicare constituerim, quod Tibi confidenter communico, cum nullus dubitem, Te id, quominus propositum hoc impediatur, omnes, etiam Amicos, celaturum. Objectionem Tuam certe doctissimam ac ingeniosam tunc ipsemet enervare scies, quando totius operis concatenationem ac Authoris intentionem plenius videre licebit; Ejusdem generis alia inter Epistolas contra eandem propositionem continetur, docte tamen satis ab Authore enodata. Pervelim ex Te discere num ex sequentibus libris (quorum catalogum (: cum hac inscriptione libri rarissimi :) inter posthuma reperi) unquam aliquos videris 1. Florentinus de rebus Sacris. 2. Joh. Beneventensis de nefandis Christianae religionis erroribus. 3. Alius de Beneventensis Am Rande in A von Leibniz' Hand: Est Joh. de Casa Episcopus Beneventanus quem libidinem praeposteram laudasse ait Thuanus. Sodomiae laudibus. 4. Averrois argumenta de aeternitate Mundi. 5. Anonymus quidam Italus de commercio Sanctor. et Sanctarum. 6. Idem de Stultitia gentium. 7. Idem de Magia Mosis et Muhamedis. 8. Francisci Datisii Homo politicus. liber rariss. Am Rande in A von Leibniz' Hand: Vidi librum sub titulo Hominis politici. 9. Du Mas Abbas Am Rande in A von Leibniz' Hand: Forte scribi debet: Joachimus Abbas. opuscula missoria. 10. Am Rande in K von Leibniz' Hand: pessima. A S^to Bernardo Monachus Hispanus de commercio daemonum. Idem de eorundem in hoc Mundo Politia et actionibus. Ejusd. cum ipsis familiaria colloquia. Idem de examine 3 quaestionum Joh. 22. Papae sc. de existentia Dei, animae immortalitate et inferno[.] Opus rarissimum. 11. Vir de Religione Bona dictus ubi de Novis Religionis Christianae reformatoribus verbi gr. Luthero, Calvino et Melanthone. Idem de examine duorum regum Caroli 5. et Francisci 1. author Hispanus est. 12. Abavillus hispanus Monachus Turca factus de Authoritate Politices in Eccles. deque suae Mutationis rationibus. Ejusd. Problemata politica. Ejusd. dicta [Christiana]. 13. Prophetiae Malachiae Hibern. Episcopi de Pontificibus. [ ... ]