GEORG HERMANN SCHULLER AN LEIBNIZ

Amstelodami 26/16 Febr. 1677.

[ ... ] Caeterum te minime celare debui Clariss^m et acutiss^m Virum Spinozam maxima atrophia conflictatum 21/11 Februar. vitam suam cum morte commutasse; Videtur autem quod inexpectata mortis debilitate praeventus sit, quoniam sine testamento, ultimae voluntatis indice, a nobis discessit; Ethica, quam penes ipsum vidisti, in autographo penes amicum asservatur, venalisque habetur, si pretio (credo 150 florenor.) opere tanto condigno persolvatur, id quod nulli melius, quam Tibi significandum censui, utpote qui operis conscius principis animum dirigere poteris, ut suis sumtibus coematur. [ ... ]

A Monsieur Monsieur G. G^e Leibnitz Conseiller de S.A.S. d'Hannover à Hannover.