Leibniz an des Bosses

Gratias ago pro transmissis. E re erat, ut R. P. Janningius ex Bibliopola Coloniensi quaeri curet, an non librum receperit? Si negat, curabitur, ut admoneatur officii, aut certe defectus supplebitur.

Ajunt, te non diu in his oris permansurum; id parum laetus audio, etsi dudum suspicatus, manere te meliora loca.

Mitto hic partem opusculi mei jam editam, rogoque, ut lecta cum judicio tuo ad me remittas, nondum enim aliud exemplum habeo. Quod superest, vale et fave. Dabam Hanoverae 27 Septemb. 1709.