Leibniz an des Bosses

Ante septimanas complures literas ad te responsivas dare memini, quibus difficultatibus nonnullis philosophicis satisfacere conabar. Redditas non dubito; an satisfecerint, pro parte saltem, scire aveo.

A R. P. Vota, Smi. Regis Augusti confessario, literas accepi, quibus spem facit P. Krokanem in Germaniam venturum; credo ut iter per Moschos tentet ad Sinas, Grimaldi exemplo et Aprilis, sed quibus non successit: nunc favore Augusti Regis plurimum poterit, ut auditus detur ab Autocratore Russorum.

A R. P. Janningo literas accepi, quibus nunc respondeo, rogoque, ut solito favore responsorias his inclusas reddi cures. Quod superest, vale et fave. Dabam Hanoverae 9 Julii 1709.