Leibniz an des Bosses

Hesternas meas satis prolixas acceperis cum adjectis; nunc iterum scribo, et additas ad R. P. Orbanum curari peto. Is iter fecit in superiorem Germaniam, ibique thermis usus est, atque inde incolumis rediit.

Oblitus sum de Chronostichis dicere in Reginam Lusitanam¹, quae appellantur extemporaneae; id mihi mirum visum est. Ego certe vix multis diebus tale quid conficerem. Est magna in his Rempii facilitas, sed quantum video, qui haec fecit, ei non cedit. Possit usum habere talis labor ad historiam universalem, et similia. Itaque Autorem nosse velim. Vale et fave. Dabam Hanoverae 4 Sept. 1708.

1. 1Die Verse hatte des Bosses an Leibniz überschickt.