Incerti autoris nota de metaphysica ex sententia Augustini scribenda

 [1677 bis 1716 (?)]

Cum his diebus otium aliquod a consuetis laboribus mihi imperasset afflicta paulisper corporis valetudo, legere incepi D. Augustini Confessionum libros, antea non nisi nomine mihi notos, quae lectio tantum animum recreavit, ut summam quam de Augustino ex libris de Civitate Dei conceperam opinionem auxerit mirifice. Quamvis enim non ignorem Petrum Castellanum, Episcopum Matissonensem, Magnum Franciae Eleemosynarium, ita inimice insectatum esse hunc Ecclesiae Doctorem, Notat id Petrus Gallandius, Regius Latinarum litterarum Professor, in vita Petri Castellani, quam Baluzius A. 1674 in 8^o edidit, c. 27 quod accipiens Baluzius in Praefatione monet, nemini mirum videri debere, quod Castellanus alicubi acerbe et contumeliose in Pontifices Romanos illorum temporum invehatur, etiamsi alioqui de Sedis Apostolicae dignitate magnifice sentiret, et communionem cum ea retinendam esse putavit, cum nec ab Augustino quidem Hipponensi Episcopo se abstinuerit. ut eum bonarum ~~artium magis non ignorantem, quam peritum* dici posse praedicaret, adeoque* *~~ejus lucubrationes citra fastidium legi vix posse ab homine liberaliter in litteris educato, praeterea linguarum ignoratione somniasse frequenter atque etiam delirasse sacra explicando* asseveraret; tamen opus ejus de Civitate Dei doctissimae varietatis, hos vero Confessionum libros profundissimae veritatis deprehendisse mihi videor. Et operae quidem pretium esset scribi ab aliquo Metaphysicam ex sententia S. Augustini; uberrimam certe materiam inveniret; neque enim scio utrum argumentum hoc satis pro dignitate tractaverit Benedictus a S. Jacobo Ferrariensis, Congregationis fratrum Eremitarum Discalceatorum, sacrae Theologiae Lector, cujus Tomus III. Augustini Philosophiae naturalis complectens ea, quae in libris *de anima controvertuntur, verbis et sententiis ejusdem patris contentus et scholiis explicatus* Mediolani in forma, quam XII. vocant, prodiit, sed hactenus a me frustra quaesitus est.