Definitiones: positio, relatio, dari, determinari, resultare

 [Sommer 1678 bis Sommer 1679 (?)]

Per positionem inter duo vel plura videtur posse intelligi, quicquid ex ipsis positis resultat. Per Relationem inter duo vel plura, modus ex quibusdam aliud determinandi vel solis, quando relatio est perfecta, vel accedentibus aliis, quando imperfecta. Dari aliquid ex quibusdam datis, est haberi ejus generationem; determinari est, quando saltem possibile est eam inveniri ex his. Resultare, quando quid suae ad aliqua relationis unicum est vel cum paucis.