De characteribus et de arte characteristica

 [Sommer 1688 (?)]

Characterem voco, notam visibilem cogitationes repraesentantem.

Ars characteristica est ars ita formandi atque ordinandi characteres, ut referant cogitationes, seu ut eam inter se habeant relationem, quam cogitationes inter se habent.

Expressio est aggregatum characterum rem quae exprimitur repraesentantium.

Lex expressionum haec est: ut ex quarum rerum ideis componitur rei exprimendae idea, ex illarum rerum characteribus componatur rei expressio.