Erste Fassung

ERSTE FASSUNG

Extensum est totum continuum.

Extensi partes sunt coexistentes.

Extensum omne est pars alterius cujusdam extensi.

Duo quaelibet extensa data sunt partes ejusdem alicujus extensi.

In quolibet corpore habetur extensum dato simile.

Dato quolibet extenso datur aliud congruum cujus pars sit in corpore dato.

Extensum est continuum habens partes coexistentes.

Continuum est cujus partes sunt indefinitae.

Spatium infinitum est extensum uniforme in quo extensum, quodcunque existere ponitur, existit.

Corpus ubique uniforme est, praeter quam in parte cujus termini pars eadem est cum parte termini totius.

Corporis A aliqua pars B assumi potest, talis, ut si assumatur aliud C nullam habens partem in A existentem, non possit dari aliquod comprehen[den]s tam B quam C, quin partem habeat intra A. Et haec est notio profunditatis.

Satius forte simplicissimas adhibere notiones.

Spatium mundanum est quod extensum est, et in quo est omne quod in extenso est.

Duo quaelibet extensa A et B, sunt in eodem extenso C. Vel adhuc generalius: Duo quaelibet A et B quorum unumquodque in aliquo extenso est (licet diverso), sunt in eodem extenso.