Mechanica in politicis

Mechanica in Politicis. Quanti Momenti sint in politicis considerationes Mechanicae vulgus politicorum ignorat; nam minora ista tanquam artificibus ex infima plebe propria, ipsi infra se seducunt; et assueti extemporaneis meditationibus Mathematicae inquisitiones profundiores pro difficilibus magis habent, nesciunt scilicet imperiti, Militaria et oeconomica esse nervos et venas corporis civilis, ea autem mechanicis physicis et mathematicis principiis nituntur. At non ignoravit Macchiavellus, qui libro ultimo artis militaris non dedignatur inquirere, cur radii rotarum tormenta majora sustinentium fiant obliqui.