LEIBNIZ AN BURCHARD DE VOLDER

Berolini 19 Aug. 1702

Viro doctrina et meritis insigni Dⁿ^o B. de Volder Godefridus Guilielmus Leibnitius S. P. D.

Lectis iis quae Celeberrimus Bailius reposuit meis in secunda editione Dictionarii sui, conscripsi replicationem, quam Tuo judicio submitto, et ingeniosissimi Bernoullii nostri. Idque eo libentius facio, quod puto Te in ea inventurum nonnulla quae circa naturam substantiae uberius explicari desiderabas. Itaque Tuum non minus quam Cl. Bailii judicium flagito, cui rogo ut Epistolam adjunctam cum ipsa Responsione mea, ubi legeris, si tolerabilis videbitur, mittas. De caetero me ad priores refero[.]