Series II Band 3 · No. 210.

ERNST SALOMON CYPRIAN AN LEIBNIZ

Helmstedt, 18. (28.) April 1699. [206.211.]

Latin

Illustris Domine,

Incomparabilem favorem, quo tenuitatem meam nuper complexus es, devotissima mente celebro: nullum non lapidem moturus, ut tanto Patrocinio haud plane indignus reperiar. Venerandi Viri, Schmidius et Hartius, hodie, ni fallor, nonnihil literarum ad Excellentiam Tuam daturi sunt, unde constabit, recte curata fuisse, quae mihi ad illos deferenda erant. Vale, Vir Illustris, ac deinceps patere, ut Te Guelpherbyti saepius venerer coram.

Illustr. Nomin. T. subjectissimus cliens M. Ernestus Salomo Cyprianus.

Scr. Helmstadii d. XVIII. April. MDCIC.