VINCENT PLACCIUS AN LEIBNIZ

1. Accessiones juris naturalis privati et publici, quorum hoc politica doctrina, jus imperiorum, et gentium continentur, nunc primum publicatae, cum indicibus necessariis 2. Consilii de studio philosophiae practicae optime instituendo epitome et praxios rhetoricae lemmatica repraesentatio: *destinatae modo editi juris naturalis accessionum appendices geminae, culpa typographi omissae, nunc seorsim editae* (Diese 12 Seiten umfassende Schrift hatte der Drucker zunächst vergessen. Sie wurde separat Hamburg 1695 nachgedruckt und teilweise später eingefügt.) 3. Accessiones rhetoricae artis Aristotelicae nunc demum editae una cum promptuario triplici inventionis enthymematicae, affectuosae et moratae 4. Accessiones ethicae sive medicinae moralis, compendio nunc tertium publicatae ex opere systematico majori, cum indicibus necessariis 5. Appendix epistola ad patronos et amicos, quare sibi cum clarissimo Christiano Thomasio (qui libro 2. *Jurisprudentiae divinae a p. 372. ad 422. de favorabilibus et odiosis adversus Placcium disputaverat) nihil nunc auctor amplius censeat publice disputandum, indicans*.

I. N. J. C.

Excellentissimo omnigenae eruditionis soliditate Viro Dⁿ^o G. G. Leibnutzio.

V. Placcius S. P. D.

Diu, fateor tacitus amicitiam nostram continuavi. Non alia de caussa, quam ne intempestive interpellando illam violarem. Nunc ut adjuncta, quae vides, opuscula mea, censurae offeram Tuae intermittere non potui. Quaeso illa digneris quantum occupationes tuae gravissimae concedunt hanc opellam, sin minus statim omnem: at saltem aliquam partem quam volueris. Ut admoneas me de iis, quae tua perspicacitas non poterit non emendanda pluscula depraehendere; quando, et prae me subtilius longe philosophari sueta, fatigato mihi, desertis potius quam ad finem perductis, imo praeruptis superaccedit. Quaeso da hoc, non tam precibus meis, quae tantum non merentur: sed argumenti pretio, et bono publico inde juvando. Certe quo monueris me de pluribus, et gravioribus; eo magis tibi placuisse judicabo scriptionem, quam tanta cura sis dignatus, tot aliis occupatior. Vale. Hamb. 1695. d. 3. Aprilis.

P. S. Si forte, ut alias memini factum, detrectante tabellarium fasciculo ut nimis grandi (est autem quinque alphabetorum et tamen adhuc desunt folia 6 vel 7) onerari, hae litterae ad Te veniant sine fasciculo quaeso aliam occasionem transmittendi mihi suppedites quamprimum. Vale iterum.