ADAM ADAMANDUS KOCHAŃSKI AN LEIBNIZ

[ ... ] De Nova quadam Lingua Universali, ab usitatis diversa, non est quod cogitemus. Ideas enim ejus rei elegantes nobis formare possumus, sed in earum executione Labor et otium male collocandum videtur. Scio in Gallia nonneminem hac de re scripsisse dans le Mercure [Galant] Extraordinaire, (: Annum non memini :) sed non venit is liber in manus meas. Posset alioqui ad hujusmodi Linguam ediscendam stimulus addi, si ea conscriberetur Liber, Arcana Chemica, Physica, et Medica continens: Et ipsa Lingua eximi posset ab omnibus anomaliis inflexionum et exceptionibus, ac longe copiosior Latina effici, in qua multa dicere non licet, etiam dum res ipsa postulat: v.g. sedeor, ambulor, casu quo unus alteri insideat, vel per eum gradiatur etc. [ ... ]