LEIBNIZ AN MARTIN FOGEL

Spero, literas meas ad Te recte pervenisse, si quando rescribendi tibi otium erit, beneficio me non mediocri afficies. Ut de Hypothesibus meis rectius sentias, mitto duo schediasmata, alterum rationem motuum a sensu et phaenomenis independentem, alterum hypothesin omnium phaenomenorum naturae, unico quodam motu cosmico explicandorum complectitur. Judicium tuum amicorumque Tuorum, si mihi perscripseris, magno me beneficio afficies. Vale, faveque. Francofurti 3 Maji styl. novi 1671.

P. S. Celeberrimum Edzardum, si qua occasio est, salutari meis verbis peto. Scripsi illi quoque Tecum, nescio an literae sint perlatae?