FRIEDRICH NITZSCH AN LEIBNIZ

Vir Nobilissime et Consultissime Fautor et Amice Honoratissime.

Quanquam Auf Bl. 10 r^o eine Bemerkung von Leibniz' Hand: Lana, Du Sonius, Ottius, Titelius, Wrennus dioptricam mechanicam perficere conantur. gratissimae fuere literae Tuae, gratiores tamen hoc eas reddidit, quod ab Illustrissimo Boineburgio seculi nostri ornamento mihi sint allatae. Ita enim dedere ansam, ut, quam olim, Te ipso procurante, Illustrissimo Viro declaravi devotionem, mediantibus literis Tuis declarare denuo potuerim. Adeo Tibi soli debeo, quod Tanto Viro non ignorer. Sed porro mirum quantum de me demerereris, si Gallorum Ephemerides Anni 1670. mihi communicares. Memini enim Te mentionem illarum in Epistola quadam facere, et succincta dare Excerpta illorum, quae ibi habentur notatu digna. In eo enim sum, ut proximis Nundinis edatur Versio Anni 69. Quae cum mole sit exigua, igitur commodissime Annus 70. adjungi posset. Est quidem qui Exemplar Gallicum mihi procurabit, sed instantibus demum nundinis. Redderem utique eas non sine magna gratiarum actione. Disputationem Opticam transmitterem hac quidem vice, nisi forte Cursori publico fiat molestia, mittam tamen, quamprimum commoda obtulerit sese occasio. In Mechanicis nunc occupor, quae et forte edentur, siquidem sit, qui impensas ferre velit. Dn. Weigelius in Hydraulico invento laborat, tali quidem, ut Siphones (Ventil) sint extra canalem. Varenii quoque Geographiam integritati suae restituo, suppletis iis quae injuria nescio qua et figurarum absentia et lacunis non unis egregium Autorem mutilum reddidere. Et in hisce aliisque tempus tantum non inutiliter tero.

De Optico illo quae scribis inversa credo se ratione habent, ita ut plana polita si faciunt obtusum ^#(kl)^lum, pauciores, sin acutum plures repraesentent imagines, uti et experientia testata est, siquidem recte recordor. Nam et ipse specula illa vidi. Quod si ergo ita est, ratio est in promptu propter reflexionem imaginis, ita ^#(KL)^lo talibus planis objecto figura ^laris apparet, siquidem plana obtuse aperiantur, porro si magis ad se accedunt plana, repraesentatur pentagonum, si adhuc magis, heptagonum etc. praeter imaginem quae in junctura videtur directo radio. Posui vero locum imaginis in ipsam superficiem in figura quod quidem faciendum non esset, siquidem accurate schema depingendum foret, secundum ea quae tradunt Optici de loco imaginis. Nihil vero ad multitudinem imaginum monstrandam id refert. De lentibus Hyperbolicis alio tempore scribam, jam eo intercludor. Interim vale faveque

Vir Nobilissime et Consultissime Tuo L. Frid. Nitzschio.

Giessae d. 8. Febr. st. v. 1671.

P. S. Ergone Geislerus Invitatorias ad nuptias misit? Quid vero Tu et ego facimus? Scilicet philosophamur. Vale.

A Monsieur Monsieur Leibnuz Conseiller de Son Altesse Electorale de Mayence. à Mayence.