Des Bosses an Leibniz

Ex quo postremas Tuas litteras accepi Vienna datas 23 Augusti, quibus Tuum Hannoveram reditum sperare me jubebas, relicta Paderborna jussus sum repetere Coloniam, ubi nunc ago a die vigesima prima mensis Octobris, et quamvis a variis edoceri petierim, num vel Hannoveram vel Guelfebytum advenisses, nihildum rescire potui. Itaque fasciculum litterarium Orbani dudum asservo, non prius missurus quam qua in regione verseris intelligam aut saltem significes an Hannoveram, quo hasce lineas destino, mitti velis. Vale etc. Dabam Coloniae 9 Decembris 1713.