Des Bosses an Leibniz

Mitto Illustrissimae Dominationi Tuae 15 philyras versionis Theodicaeae, quibus dissertatio praeliminaris et prima pars absolvitur. Rogo enixe ut pro otio recenseas, et si qua in re sensum Tuum assecutus non sum, emendes. Propediem expecto responsum Cardinalis Ptolemaei ad Tuas quas maxima cum voluptate perlegi. Ubi responsum illud advenerit, addam meas prolixas. Paderbornae 7 Augusti 1712.

Scire optarem quid de quadratura circuli censeas quam a Remensi quodam Horologiorum artifice inventam ajunt.