Leibniz an des Bosses

Inclyti Ptolemaei vestri literas plenas rerum egregiarum recepi, et, ut par est, respondebo. Ejus naturae est commercium nostrum, ut non instar novellarum publicarum irritum sit, nisi sit recens. Idem dixerim de literis quas cum R. P. Orbano commuto, ad quem adjunctas mitti peto.

Rogo ut Thomae Bonartis Nordtani Angli memineris. Utinam scilicet verum ejus nomen ex Patribus vestris disci possit. Pro P. Temmik notitia nescio an gratias egerim.

Continuanturne adhuc Novellae Trivultianae? Dudum earum nihil vidi, aut in Batavis excusum intellexi.

Vale et me ama. Dabam Hanoverae 14 Junii 1708.