Indices librorum in jure tam pontificio quam civili

 [1677 bis 1682 (?)]

Joh. Fichardus edidit librum de veteribus Jurisconsultis, secundum diversas materias, quem Partitionum universalium libro 19 recenset Gesnerus.

Habet autem tantum priscos. Longe diffusior est Index omnium librorum in jure tam *pontificio quam civili passim editorum et primum compositus a Johanne Nevisano, deinde auctus per Ludovicum Gomesium, et rursus per Joh. Fichardum ingenti accessione locupletatus* quem eodem loco pandectarum inseruit secundo loco relatum adjectis corollariis idem Gesnerus. Eundem postea Joh. Bapt. Ziletus et demum Joh. Wolfg. Freymonius multo auctiorem in lucem dedit. Hac inscriptione Elenchus omnium autorum *qui in jure tam civili quam canonico vel committendo vel quibuscunque modis explicando ad nostram usque aetatem claruerunt* nomina et monumenta complectens. Est et index nostro operi tractatuum universi juris autoritate pontificis in unum congestorum praemissus, sed ultra scriptores inclusos se non extendens. Demum Felicis Contelorii Index legalis autorum materias juris ex professo tractantium ex Bibl. Joh. Bapt. Coccini collectus subjunctusque tomo 5^to collectaneorum in Jus pontificium Augustini Barbosae.