Leibniz an de Volder

Berolini 19 Aug. 1702.

Lectis iis quae celeberrimus Baylius reposuit meis in secunda editione Dictionarii sui, conscripsi replicationem quae Tuo judicio submitto et ingeniosissimi Bernoullii nostri. Idque eo libentius facio, quod puto Te in ea inventurum nonnulla quae circa naturam substantiae uberius explicari desiderabas. Itaque Tuum non minus quam Cl. Baylii judicium flagito, cui rogo ut Epistolam adjunctam cum ipsa Responsione mea, ubi legeris, si tolerabilis videtur, mittas. De caetero me ad priores refero.